جہلم پولیس کا شراب سپلائر ملزمان کے خلاف بھر پور کریک ڈاؤن جاری،شراب سپلائر ملزم شراب کی بھاری کھیپ سمیت گرفتار کر لیا گیا۔
تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ صدر صداقت علی کی قیادت میں شراب سپلائر ملزمان کے خلاف بھرپور کریک ڈاؤن جاری ہے۔ تھانہ صدر پولیس نے کامیاب کارروائی کرتے ہوئے ایک ملزم کو گرفتار کر لیا جو لاہور سے جہلم شراب سپلائی کرنے کی نیت سے آیا تھا۔
پولیس نے ملزم کے قبضے سے 295 عدد چھوٹی اور بڑی بوتلیں، اور 08 عدد گیلن جن میں 240 لیٹر شراب موجود تھی، برآمد کر لی۔ پولیس کے مطابق گرفتار ملزم کے خلاف مقدمہ درج کر لیا گیا ہے اور مزید تفتیش جاری ہے۔
ڈی پی او جہلم طارق عزیز سندھو نے ایس ایچ او تھانہ صدر اور ان کی ٹیم کی اس کامیاب کارروائی پر شاباش دیتے ہوئے کہا کہ منشیات فروش معاشرے کا ناسور ہیں جن کے خلاف ضلع بھر میں بھرپور کریک ڈاؤن جاری ہے۔
