سوہاوہ: چیئرمین گجر ویلفیئر چوہدری ساجد امین کی خصوصی کاوشوں سے نمی خان مرحومہ زوجہ قاسم فیروز خان (یو ایس اے) کے ایصال ثواب کے لیے دو بورنگ بمعہ موٹر عطیہ کیے گئے۔ ایک بورنگ گورنمنٹ بوائز ہائی سکول بڑاگواہ جبکہ دوسرا حاجی مالک تھلہ چوہدریاں کے گھر مکمل کیا گیا۔
چیئرمین گجر ویلفیئر چوہدری ساجد امین نے نہ صرف بورنگ کروایا بلکہ اس کے ساتھ مکمل موٹر کا سیٹ بھی لگوا دیا۔ گزشتہ روز انہوں نے گورنمنٹ ہائی سکول بڑاگواہ کا دورہ کیا جہاں سینئر ہیڈ ماسٹر چوہدری سلطان پرویز نے انہیں پھولوں کا گلدستہ پیش کیا۔
اس موقع پر چوہدری فیصل قربان نائب صدر اپیکا جہلم، حافظ سعید ریاض سمیت دیگر اہم شخصیات اور اساتذہ بھی موجود تھے۔ چوہدری ساجد امین نے دونوں بورنگ کے جاری کام کا جائزہ لیا۔
چوہدری سلطان پرویز اور حافظ سعید ریاض نے کہا کہ اس عطیے سے سکول کے بچوں اور اہل علاقہ کو صاف پانی کی فراہمی یقینی ہو گی۔ انہوں نے چوہدری ساجد امین اور قاسم فیروز خان کا شکریہ ادا کرتے ہوئے کہا کہ علاقے میں ایسے فلاحی کام کرنے والے افراد بہت کم ہیں۔
