سوہاوہ بار ایسوسی ایشن کے وفد نے لاہور ہائی کورٹ کے سابق جسٹس اور ممبر پاکستان بار کونسل حسن رضا پاشا سے ملاقات کی۔ اس موقع پر سوہاوہ بار نے ان کے دفتر پر ہونے والے قاتلانہ حملے کی شدید مذمت کی اور بھرپور اظہارِ یکجہتی کیا۔
وفد میں سابق صدر سوہاوہ بار محمد زبیر چوہدری، راجہ سہیل شفیق اور نعمان ہاشمی شامل تھے جبکہ اس موقع پر چکوال سیٹ سے امیدوار پنجاب بار کونسل ملک اظہر حسین بھی موجود تھے۔
وفد نے آئی جی پنجاب سے مطالبہ کیا کہ سابق جسٹس حسن رضا پاشا کے دفتر پر ہونے والی دہشتگردانہ کارروائی میں ملوث ملزمان کو جلد از جلد گرفتار کیا جائے اور ایسے واقعات کی روک تھام کے لیے جامع حکمتِ عملی ترتیب دی جائے۔
ملاقات کے دوران باہمی دلچسپی کے امور اور پنجاب بار کے آئندہ الیکشن پر بھی تفصیلی تبادلہ خیال کیا گیا۔
ممبر پاکستان بار کونسل اور سابق جسٹس لاہور ہائی کورٹ حسن رضا پاشا نے سوہاوہ بار کے وفد کی آمد اور اظہارِ یکجہتی پر ان کا شکریہ ادا کیا۔
