سوہاوہ پولیس نے منشیات فروشوں کے خلاف کارروائیاں کرتے ہوئے دو منشیات فروشوں کو چرس سمیت گرفتار کر لیا۔
تفصیلات کے مطابق ڈسٹرکٹ پولیس آفیسر جہلم طارق عزیز سندھو کی ہدایت پر جہلم کی تحصیل سوہاوہ میں پولیس نے منشیات فروشوں کے خلاف کریک ڈاؤن کرتے ہوئے دو ملزمان کو گرفتار کر کے بھاری مقدار میں چرس برآمد کر لی۔
پہلی کارروائی میں تھانہ سوہاوہ پولیس نے منشیات فروش ملزم کو گرفتار کر کے اس کے قبضہ سے 1 کلو 320 گرام چرس برآمد کر لی جبکہ دوسری کارروائی میں ایک اور ملزم کو دھر لیا گیا جس کے قبضے سے 1 کلو 580 گرام چرس برآمد کی گئی۔
دونوں ملزمان کے خلاف تھانہ سوہاوہ میں مقدمات درج کر کے مزید تفتیش شروع کر دی گئی ہے۔
ڈی پی او جہلم طارق عزیز سندھو نے کہا کہ منشیات فروش معاشرے کا ناسور ہیں، جو نوجوان نسل کو تباہ کرنے کے درپے ہیں۔ ان کے خلاف بھرپور کریک ڈاؤن جاری ہے اور کسی کو معاشرے کا امن برباد کرنے کی اجازت نہیں دی جائے گی۔
