پنڈدادنخان کے نواحی علاقہ میں 60 سالہ چرواہا پانی کے ٹینک میں ڈوب کر جاں بحق ہو گیا، لاش کو ہسپتال منتقل کر دیا گیا۔
تفصیلات کے مطابق پنڈدادنخان کے علاقہ للِہ میں پیر کھارا روڈ پر 60 سالہ چرواہا محمد سرور ولد نور خان بکریاں چراتے ہوئے سروس اسٹیشن کے ٹینک سے پانی پینے گیا تو اچانک 15 فٹ ٹینک میں گر کر ڈوب گیا اور موقع پر ہی جان کی بازی ہار گیا۔
ریسکیو 1122 کی ٹیم اطلاع ملتے ہی موقع پر ہی پہنچ گئی اور لاش کو ٹینک سے نکال کر للِہ ہسپتال منتقل کر دی۔
