جہلم: ماحولیاتی آلودگی پر قابو پانے اور قوانین کی پابندی کو یقینی بنانے کے لیے محکمہ تحفظ ماحولیات (EPA) جہلم نے ضلع بھر میں سموگ اور زائد دھوئیں کے اخراج کے خلاف سخت کریک ڈاؤن کیا۔ چار اینٹوں کے بھٹوں پر مجموعی طور پر چار لاکھ روپے جرمانہ عائد کیا گیا۔
تفصیلات کے مطابق وزیر اعلیٰ پنجاب مریم نواز شریف کے وژن اور ڈپٹی کمشنر جہلم میر رضا اوزگن کی خصوصی ہدایات کی روشنی میں EPA جہلم نے صنعتی اداروں اور اینٹوں کے بھٹوں کا جائزہ لیا۔ چیکنگ کے دوران یہ بھٹہ مالکان پنجاب ماحولیاتی معیار (PEQS) میں مقررہ حدود سے زیادہ دھواں خارج کرتے ہوئے فضائی آلودگی پھیلا رہے تھے۔
کارروائی کے دوران چار اینٹوں کے بھٹوں پر مجموعی طور پر چار لاکھ روپے جرمانہ عائد کیا گیا۔
ضلعی آفیسر EPA جہلم نے کہا کہ ایجنسی فضائی معیار کو بہتر بنانے اور ماحولیاتی تحفظ کے ضوابط پر سختی سے عمل درآمد کو یقینی بنانے کے لیے اپنی نگرانی اور نفاذ کی سرگرمیوں کو مسلسل جاری رکھے ہوئے ہے، تاکہ ضلع بھر میں صاف، صحت مند اور پائیدار ماحول برقرار رکھا جا سکے۔
انہوں نے شہریوں سے بھی اپیل کی کہ وہ ماحولیاتی قوانین کی خلاف ورزی کرنے والے افراد یا اداروں کی اطلاع دیں تاکہ فوری کارروائی ممکن ہو سکے۔
