جہلم: پولیس نے بروقت کارروائی کرتے ہوئے کارِ سرکار میں مداخلت کرنے والے ملزم کو گرفتار کر لیا۔
تفصیلات کے مطابق جہلم میں ایس ایچ او تھانہ سٹی اور ان کی ٹیم نے کارروائی کرتے ہوئے کارِ سرکار میں مداخلت کرنے والے ملزم کو حراست میں لیا، جس کے خلاف قانون کے مطابق مقدمہ درج کر کے مزید تفتیش کا آغاز کر دیا گیا ہے۔
اس موقع پر طارق عزیز سندھو، ڈسٹرکٹ پولیس آفیسر جہلم نے واضح کیا کہ قانون کو ہاتھ میں لینے والوں کے خلاف سخت سے سخت کارروائی عمل میں لائی جائے گی۔
انہوں نے کہا کہ سرکاری امور میں مداخلت اور امن و امان میں خلل ڈالنے والے عناصر کسی رعایت کے مستحق نہیں اور ضلع جہلم میں قانون کی بالادستی ہر صورت یقینی بنائی جائے گی۔
