بریڈفورڈ: لٹل ہارٹن میں ایک پاکستانی نوجوان گھر میں آگ لگنے سے جاں بحق ہوگیا تاہم اُس نے اپنے اہل خانہ کو بحفاظت آگ سے باہر نکال لیا۔
بریڈفورڈ کے علاقے لٹل ہارٹن کیفنچ اسٹریٹ کے گھر میں آگ ہفتے کی صبح پانچ بجے کے قریب لگی تھی۔نوجوان اُس وقت گھر سے باہر تھا۔ گھر پہنچنے پر اس نے آگ دیکھی اور فوری طور پر اپنی والدہ اور ایک بچے کو ریسکیو کیا۔
بعدازاں نوجوان اپنے بھائی کو بچانے کیلئے بالائی منزل پر گیا، جہاں وہ آگ میں گھر گیا تاہم اس کا بھائی پہلے ہی کھڑکی سے چھلانگ لگا کر باہر آچکا تھا۔
اہل محلہ کا کہنا ہے کہ آگ ای سگریٹ کے چارجر سے لگی، پولیس کے مطابق ایمبولنس اور فائر بریگیڈ بروقت پہنچ گئے تھے مگر نوجوان موقع پر ہی جاں بحق ہوگیا ۔ پولیس کے مطابق آگ لگنے کی وجہ مشکوک نہیں ہے۔
