جہلم میں زیر تعمیر مکان کی دیوار گرنے سے پڑوسی کے گھر کی چھت زمین بوس، خوش قسمتی سے کوئی جانی نقصان نہیں ہوا۔
تفصیلات کے مطابق جہلم کے مشین محلہ میں اُس وقت ایک افسوسناک واقعہ پیش آیا جب ایک زیرِ تعمیر مکان کی دیوار اچانک برابر والے پرانے گھر کی چھت پر آ گری، جس کے نتیجے میں چھت زمین بوس ہو گئی۔ خوش قسمتی سے کوئی جانی نقصان نہیں ہوا۔
@jhelumupdates جہلم میں زیر تعمیر مکان کی دیوار گرنے سے پڑوسی کے گھر کی چھت زمین بوس #JhelumUpdates #LatestNews #fyp #jhelum #breakingnews #foryoupagе #viralvideos ♬ original sound – Jhelum Updates
عینی شاہدین کے مطابق حادثے کے وقت متاثرہ مکان میں موجود افراد معجزانہ طور پر محفوظ رہے۔ واقعے میں گھر کا قیمتی سامان ملبے تلے دب کر مکمل طور پر تباہ ہو گیا۔
اہلِ محلہ کے مطابق زیرِ تعمیر گھر کا مالک پرانی دیوار کو مسمار کر کے نئی تعمیرات کرنا چاہتا تھا، تاہم غیر محفوظ اور غیر ذمہ دارانہ طریقہ کار کی وجہ سے یہ سانحہ پیش آیا۔
واقعے کی اطلاع ملتے ہی تھانہ سٹی پولیس اور میونسپل کمیٹی جہلم کے اہلکار موقع پر پہنچ گئے اور نقصان کا جائزہ لیا۔ اہلِ علاقہ نے حکام سے مطالبہ کیا ہے کہ غیر قانونی اور غیر محفوظ تعمیرات کے خلاف سخت کارروائی کی جائے تاکہ مستقبل میں ایسے واقعات سے بچا جا سکے۔
