جہلم: پولیس خدمت مرکز کے عملہ نے بروقت کارروائی کرتے ہوئے کریکٹر سرٹیفکیٹ کے حصول کیلئے آنے والے عدالتی مفرور ملزم کو گرفتار کر لیا۔
تفصیلات کے مطابق جہلم میں پولیس خدمت مرکز میں ایک شخص کریکٹر سرٹیفکیٹ بنوانے کیلئے آیا جہاں عملہ نے اس کا ریکارڈ چیک کیا تو وہ عدالتی مفرور نکلا۔ خدمت مرکز کے عملہ نے فوری کارروائی کرتے ہوئے ملزم کو حراست میں لے لیا۔
پولیس کے مطابق ملزم اقدام قتل کے مقدمہ میں عدالت کو مطلوب تھا اور گرفتاری سے بچنے کیلئے روپوش تھا۔ بعد ازاں ملزم کو مزید قانونی کارروائی کیلئے متعلقہ تھانے کے حوالے کر دیا گیا۔
ڈی پی او جہلم شفیق احمد چوہدری نے کہا ہے کہ قانون سے فرار عناصر کے خلاف کارروائیاں بلا تعطل جاری رہیں گی اور کسی کو بھی قانون سے بالاتر نہیں سمجھا جائے گا۔
