جہلم کی چاروں تحصیلوں میں پرچون سطح پر دکانداروں نے19ویں روزے کو بھی کھلے عام سبزیوں اور پھلوں کی گراں فروشی کر کے صارفین کو دونوں ہاتھوں سے لوٹا۔
صارفین نے جہلم اپڈیٹس کو رابطہ کر کے بتایا کہ شہرسمیت ضلع بھر میں کہیں بھی سرکاری نرخنامے پر عمل درآمد نہیں ہو رہا ۔
انہوں نے بتایا کہ سبزیوں میں ایک کلو آلو کچا چھلکا نیا درجہ اول کی زیادہ سرکاری قیمت 55روپے فی کلو مقرر کی گئی لیکن دکاندار 70روپے فی کلو تک فروخت کر تے رہے ،آلو کچا چھلکا نیا درجہ دوم 48روپے کی بجائے60روپے، پیاز درجہ اول185روپے کی بجائے250،پیاز درجہ دوم 175کی بجائے200،ٹماٹر درجہ اول95کی بجائے150روپے فی کلو کے حساب سے فروخت کی جاتے رہے ۔
ٹماٹر درجہ دوم85کی بجائے130روپے،لہسن دیسی450روپے کی بجائے550،لہسن چائنہ605روپے کی بجائے650،ادرک تھائی لینڈ560روپے کی بجائے650،کھیرا فارمی45روپے کی بجائے70، میتھی20 کی بجائے40روپے، بینگن60کی بجائے 75،بند گوبھی95کی بجائے120،پھول گوبھی55کی بجائے70،شملہ مرچ160کی بجائے210 فی کلو کے حساب سے فروخت کی جاتی رہیں ۔
شلجم 28روپے کی بجائے50روپے،مٹر75کی بجائے110،کریلا 230کی بجائے 240،سبز مرچ درجہ اول140کی بجائے180،لیموں چائنہ120کی بجائے200،مونگرے100کی بجائے130،مولی18کی بجائے30روپے،پالک فارمی18روپے کی بجائے50روپے،گاجر چائنہ65کی بجائے80روپے، گاجر دیسی60کی بجائے90روپے فی کلو تک فروخت کی گئیں۔
پھلوں میں ایک کلوسیب کالا کولو پہاڑی درجہ اول330کی بجائے380،کیلا درجہ اول درجن 200کی بجائے300،کیلا درجہ دوم درجن195کی بجائے250، امرود درجہ اول190کی بجائے250، انار قندھاری450کی بجائے550، مسمی درجہ اول درجن125کی بجائے200،کینو درجہ اول درجن160کی بجائے220روپے فی درجن فروخت کئے گئے۔
کینو درجہ دوم درجن155کی بجائے200، خربوزہ درجہ اول 175کی بجائے240روپے، خربوزہ درجہ دوم165کی بجائے200روپے، سٹرابری درجہ اول200 کی بجائے400، سٹرابری درجہ دوم190 کی بجائے350 روپے اور کھجور ایرانی440 روپے کی بجائے550روپے فی کلو کے حساب سے فروخت کی جاتی رہیں ۔
