جہلم: حکومت پنجاب کے ویژن کی روشنی میں مستحق خاندانوں میں گھر گھر راشن فراہمی کی بحفاظت ترسیل جاری ہے۔
ڈی پی او جہلم ناصر محمود باجوہ کی ہدایت پر حکومت پنجاب کے نگہبان رمضان راشن پیکج کی تقسیم کےلئے جہلم پولیس کی جانب سے سکیورٹی کے فول پروف انتظامات کیے گئےہیں۔
جہلم پولیس کے 160 سے زائد اہلکاران نگہبان راشن تقسیم کی سکیورٹی پر مامور ہیں، جب کہ ایلیٹ / محافظ اسکواڈ ضلع بھر میں گشت ڈیوٹی سر انجام دے رہے ہیں جبکہ سینئر افسران فیلڈ میں موجود رہتے ہوئے وقتا” فوقتا” سکیورٹی ڈیوٹی کو چیک اور بریف کر رہے ہیں۔
اس حوالے سے ڈی پی او جہلم کا کہنا ہے کہ نگہبان رمضان راشن پیکج کی بحفاظت ترسیل کو یقینی بنایا جا رہا ہے۔
