سوہاوہ: ڈومیلی کے نواحی علاقہ میں موٹرسائیکلوں کے تصادم میں زخمی ہونے والا نوجوان دم توڑ گیا۔ نوجوان کی نمازجنازہ ادا کر دی گئی
تفصیلات کے مطابق ایک سال قبل سوہاوہ کے تھانہ ڈومیلی کے علاقہ بڑاگواہ پمپ کے قریب دوموٹرسائیکلوں کے درمیان تصادم ہواتھاجس میں دو عورتیں محفوظ رہی جبکہ دو نوجوان شدید زخمی ہوگئے تھے جن کو فوری طور پر ریسکیونےآرایچ سی ڈومیلی منتقل کیا۔
گھنومیراکے نوجوان کوبعدازاں طبعی امداد کے بعد واپس گھربھیج دیاگیاتھاجبکہ ککرالہ کے رہائشی محمداحسان ولدمحمدرمضان کو راولپنڈی منتقل کردیاگیاتھا، نوجوان کافی عرصے سے چارپائی پر تھااور علاج چل رہاتھالیکن گزشتہ روز جان کی بازی ہار گیا۔
یاد رہے کہ حادثہ کے کچھ دن بعد نوجوان احسان کی شادی تھی، شادی کی شاپنگ کیلئے بڑاگواہ آیاتھااور حادثہ کاشکار ہوگیاتھا۔ محمداحسان کرکٹ کا کھلاڑی بھی تھا۔
میت جب گھر پہنچی تو کہرام مچ گیا، ہرطرف چیخ و پکار تھی، محمداحسان کی نمازجنازہ آبائی گاؤں ککرالہ کلاں میں اداکردی گئی۔
نمازجنازہ میں سیاسی، سماجی، کاروباری، مذہبی، میڈیا نمائندگان، کرکٹ کے کھلاڑیوں سمیت مرحوم کے عزیز و اقارب اور علاقے لوگوں کی کثیرتعداد نے شرکت کی۔ اس موقع پر ہرانکھ اشکبار تھی، نوجوان کو آہوں و سسکیوں کے ساتھ سپرد خاک کردیاگیا۔
