سوہاوہ: تھانہ ڈومیلی کی حدود لوہج سیداں میں خاتون سے مبینہ جنسی زیادتی، ملزم خاتون کی نازیبا ویڈیو اور تصاویر بنا کر بلیک میل بھی کرتارہا، خاتون اور اس کے شوہرسے لاکھوں روپے اور زیوارت بھی لوٹ لئے، پولیس نے مقدمہ درج کر لیا۔
تفصیلات کے مطابق تھانہ ڈومیلی کی یونین کونسل اڈرانہ کے گاؤں لوہج سیداں کی رہائشی 50سالہ خاتون نے پولیس چوکی کسیال میں درخواست دیتے ہوئے موقع اختیار کیاکہ لوہج سیداں کا رہائشی اخترشاہ ولد محمودشاہ کا ہمارے گھر آناجاناہوا، میراشوہر مزدوری کیلئے رکشہ چلاتاہے۔
متاثر خاتون نے بتایا کہ اختر شاہ نے گھر آکرمجھ سے زبردستی زیادتی کی اور اسی دوران ویڈیو اور تصاویر بھی بنالیں۔ اختر شاہ بعد ازاں مجھے بلیک میل کرکے متعدد بار زناکیا۔ مجھے اور میرے شوہر کو پلاٹ دلوانے کیلئےاس نے چارلاکھ روپے اور دوتولے زیورات ہتھیالئے۔
متاثرہ خاتون نے بتایا کہ نقدی اور طلائی زیورات جب بھی مانگتےتو آگے سے مارنے کی دھمکیاں دیتاہے اور ابھی بھی کالز کرکے زناکیلئے آمادہ کرنے کی کوشش کرتا ہے۔
50سالہ خاتون کی درخواست پر تھانہ ڈومیلی پولیس نے مقدمہ درج کرمزید تفتیش کاآغاز کردیا۔ ملزم کی گرفتاری کیلئے چھاپے مارے جارہے ہیں۔
