تھانہ صدر سرائے عالمگیرپولیس کا پتنگ فروشوں کے خلاف گرینڈ آپریشن جاری، 4 ملزمان گرفتار، 1200 پتنگیں اور 80عدددھاتی و کیمیکل ڈوریں برآمد کر لی گئیں۔
تفصیلات کے مطابق ڈی پی او گجرات سید اسدمظفر کی زیر قیادت اور ڈی ایس پی سرائے عالمگیر سرکل مدثر اقبال گجرکی زیر نگرانی ایس ایچ او تھانہ صدر سرائے عالمگیر SI فہدالرحمن نے اپنی پولیس ٹیم کے ہمراہ خصوصی آپریشن کے دوران پتنگ فروشوں کے خلاف کارروائیاں کرتے ہوئے عرفان حسین ولد سید الف شاہ، محمد نعیم ولد محمد حنیف، نعیم سلیم ولد محمد سلیم، محمد مشتاق ولد شیر محمد سکنائے منڈی بہاؤالدین گرفتار کر لئے گئے۔
پولیس نے ملزمان کے قبضہ سے مجموعی طور پر1200 پتنگیں اور80عدد دھاتی و کیمیکل ڈوریں برآمد کر لی گئی۔ چاروں ملزمان کے خلاف الگ الگ مقدمات درج کر لئے گئے۔
ڈی پی او گجرات کا کہنا تھا کہ پتنگ بازی جان لیوا کھیل ہے اپنے بچوں کو اس خونی کھیل سے دور رکھیں، یہ خطرناک کھیل اب تک بہت سی قیمتی جانیں لے چکاہے۔
