اکثر کہا جاتا ہے، حقوق العباد کے بعد غریب کے دل سے نکلنے والی دعا قبول ہوتی ہے، اپنے حق میں دُعا قبول کروانے کے لیے ایسا ہی کچھ ایک لڑکی نے کیا۔ اپنی محبت پانے کے لیے لڑکی نے بریانی کے ڈبوں پر اپنے نکاح کے لیے دُعا لکھ کر اپیل کر دی۔
ٹک ٹاک پر مقبول ہونے والے فوڈ پانڈا رائیڈر فائق بھائی نے ایک ویڈیو اپلوڈ کی جس میں دعویٰ کیا گیا کہ مجھ سے راولپنڈی کی ایک بہن نے رابطہ کیا اور مجھے بریانی کا آرڈر دیا۔
اب ظاہر ہے رائیڈر نے اسے آرڈر ہی سمجھا مگر صورتحال اُس وقت حیرت انگیز ہو گئی، جب نامعلوم لڑکی نے رائیڈر کو ہدایت کی کہ میں 5 ہزار روپے دے رہی ہوں، اس کی بریانی خرید کر غریب افراد میں بانٹ دینا۔
@faiq_bhai order from rawalpindi … pray for nikah #rawalpindi #islamabad #faiqbhai #faiqbhaiyoutube #faiqbykeawala #biker #baryani #donat #nikah #islam #murreeroad #faiqbhaidonation ♬ original sound – faiq bhai
ساتھ ہی خاص ہدایات دیتے ہوئے کہا کہ 1 ہزار آپ رکھ لینا اور باقی پیسوں کی بریانی خرید لینا، مگر ہر بریانی کے ڈبے پر ایک پرچی لگائیے گا، جس پر یہ دعا لکھی ہونی چاہیے کہ ’جسے میں چاہتی ہوں، اس سے میرا اس سے نکاح ہو جائے۔‘
پہلے تو رائیڈر بھی حیران ہوا، بعدازاں ہدایات پر عمل کر لیا۔
فائق بھائی نے ویڈیو بناتے ہوئے بتایا کہ نامعلوم لڑکی نے آرڈر دیا اور ساتھ ہی دعا کو ہر بریانی کے ڈبے پر چسپا کرنے کی ہدایت دی۔
