سوہاوہ: تھانہ سوہاوہ پولیس نے منشیات کے خلاف کریک ڈاؤن کرتے ہوئے ایک اہم کارروائی میں بدنامِ زمانہ منشیات فروش کو گرفتار کر لیا۔
تفصیلات کے مطابق جہلم کی تحصیل سوہاوہ میں ایس ایچ او تھانہ سوہاوہ کی سربراہی میں پولیس ٹیم نے کامیاب کارروائی کرتے ہوئے ملزم انور حیات کو دھر لیا۔ ملزم کے قبضے سے 1 کلو 400 گرام اعلیٰ کوالٹی کی چرس برآمد کر لی گئی۔
پولیس نے ملزم کے خلاف انسدادِ منشیات ایکٹ کے تحت مقدمہ درج کر کے مزید تفتیش شروع کر دی ہے۔
تھانہ سوہاوہ پولیس کا کہنا ہے کہ منشیات فروشوں کے خلاف زیرو ٹالرنس کی پالیسی کے تحت کارروائیاں جاری رہیں گی اور نوجوان نسل کو منشیات جیسے زہر سے بچانے کے لیے ہر ممکن اقدام کیا جائے گا۔
