دینہ میں گیس لیکج کے باعث کچن میں آگ بھڑک اٹھی، دادی اور پوتی جھلس کر شدید زخمی

دینہ میں گیس سلنڈر کے پائپ سے گیس لیکج کے باعث کچن میں آگ بھڑک اٹھی، جس کے نتیجے میں دادی اور پوتی جھلس کر شدید زخمی ہو گئیں۔

تفصیلات کے مطابق جہلم کی تحصیل دینہ کے علاقے ٹھیکریاں کے ایک گھر کے کچن میں گیس سلنڈر کے پائپ سے گیس لیک ہو رہی تھی۔ اہل خانہ کی جانب سے ماچس سے آگ جلانے کی کوشش کے دوران لیک ہونے والی گیس نے اچانک آگ پکڑ لی، جس کے نتیجے میں کچن میں موجود دادی اور پوتی آگ کی لپیٹ میں آ کر شدید جھلس گئیں۔

حادثے کی اطلاع ملتے ہی ریسکیو 1122 کی ٹیم فوری طور پر موقع پر پہنچ گئی۔ ریسکیو اہلکاروں نے دونوں زخمی خواتین کو موقع پر ابتدائی طبی امداد فراہم کی اور انہیں مزید علاج کے لیے آر ایچ سی دینہ منتقل کیا۔

زخمی خواتین کی حالت تشویشناک ہونے کے باعث انہیں بعد ازاں ڈی ایچ کیو ہسپتال جہلم ریفر کر دیا گیا، جہاں انہیں طبی امداد فراہم کی جا رہی ہے۔