جہلم: ایس ایل ایس کالج میں یوم آزادی انتہائی پروقار طریقے سے منایا گیا۔
برٹش کونسل کے جہلم ریجن کے واحد گولڈ پارٹنر ادارہ ایس ایل ایس کالج کے منیجنگ ڈایریکٹر سرفراز ملک نے خطاب میں بتایا کہ ہم ہر قومی تہوار کو بھرپور طریقہ سے مناتے ہیں تا کہ سٹوڈنٹس میں حب الوطنی اجاگر ہوتی رہی۔
تقریب کا باقاعدہ آغاز تلاوت قرآن پا ک، نعت رسول مقبول ﷺ اور ملک کی سلامتی کی دعا سے کیا گیا، اس کے بعدقومی ترانہ بجایا گیا، ایم ڈی ایس ایل ایس سرفراز ملک نے ویلکم سپپیچ میں آزادی کی اہمیت، ایس ایل ایس کالج کی تاریخ اور کامیاب سٹودنٹس کو مبارکباد دی۔سٹوڈنٹس نے جشن آزادی کے حوالے سے ملی نغمے اور تقاریر کیں۔
تقریب کے مہمان خصوصی، پاپولیشن ویلفیئر ڈیپارٹمنٹ کے ڈسٹرکٹ آفیسر، فلائٹ لیفٹیننٹ(ریٹائرڈ) حسن خالد وڑائچ نے اپنے خطاب میں سٹوڈنٹس کوزندگی میں کامیابی سمیٹنے کے رہنما اصول بتائے اور ایس ایل ایس کالج تعلیم کا منبع ہے جس کی روشنی میں آپ کامیابیاں حاصل کرتے ہیں۔
انہوں نے خطاب میں سیرت نبی ﷺ پر عمل پیرا ہونے اور والدین کی خدمت کی اہمیت پر زور دیا۔ تعلیم کے بغیر ترقی کرنا ممکن نہیں۔ انہوں نے جہلم میں واحد آئلز سرٹیفائیڈانسٹریکٹرومنیجنگ ڈائریکٹر ایس ایل ایس کالج سرفراز ملک کوآئلز اور دیگر انگلش ٹیسٹوں میں شاندار رزلٹ پر برٹش کونسل سے ملنے والے ایوارڈ زکی مبارکباد دی۔
تنظیم نوجوانان ملت سنگھوئی کے صدر محفوظ ملک نے ادارہ ہذا کی کارکردگی اور کاوشوں کو سراہا، اس کے علاوہ انہوں نے فلاحی کاموں میں نوجوانوں کو بڑھ چڑھ کر حصہ لینے کا درس دیا۔
آخر میں مہمان خصوصی حسن وڑائچ، مہمان گرامی،محفوظ ملک اور منیجنگ ڈائریکٹر ایس ایل ایس کالج سرفراز ملک نے یو کے میرج اے ون انگلش ٹیسٹ اور آئلز، بی ون اور دیگر کمپیوٹر، سپوکن انگلش کورسز مکمل کرنے والے سٹوڈنٹس کو سرٹیفکیٹ دیئے۔
یاد رہے کہ ایس ایل ایس برٹش کونسل کا ضلع جہلم میں صرف بی ٹو بی گولڈپارٹنر اور اے ای او کا بھی مستند ادارہ ہے۔اسی ادارہ کی ایک سٹوڈنٹ نے سٹوڈنٹ ویزہ کیلئے آئلز ٹیسٹ میں 8 اعشاریہ 5 بینڈز حاصل کئے جو پاکستان بھر میں سب سے زیادہ بینڈز تھے۔ ایس ایل ایس کالج کوہر سال بہترین رزلٹ اور سب سے زیادہ آئلز کے سٹوڈنٹس پر برٹش کونسل کے ایوارڈ آف ایکسی لینس سے نوازا جاتا ہے۔
