جہلم/سوہاوہ: محکمہ مال جہلم میں انتظامی امور کو مزید مو ثر بنانے کے لیے متعدد نائب تحصیلداروں کے تقرر و تبادلے کر دیے گئے جبکہ اسسٹنٹ کمشنر سوہاوہ غزالہ اصغر نے بھی تحصیل بھر کے پٹواریوں کے بڑے پیمانے پر تبادلے و تعیناتیاں کر دیں۔
جاری احکامات کے مطابق نائب تحصیلدار ذوالفقار علی بھٹی کو پنڈدادنخان سے تبدیل کرکے سوہاوہ، نعیمہ فرید کو پنڈدادنخان، مزمل احمد کو پنڈدادنخان سے دینہ، جبکہ عمران حسین کو نائب تحصیلدار پنڈدادنخان تعینات کیا گیا ہے۔
دوسری جانب اسسٹنٹ کمشنر سوہاوہ غزالہ اصغر کے جاری کردہ نوٹیفکیشن کے مطابق تحصیل کے مختلف ریونیو حلقوں میں پٹواریوں کے تبادلے اور اضافی چارجز تفویض کیے گئے ہیں۔
نوٹیفکیشن کے مطابق محمد توصیف کو دہرہ سے اڈرانہ، اظہر فدا کو گوڑہا اتم سنگھ سے بنگیال، طاہر اقبال کو پدھری سے ججیال، سیف علی ناصر کو ججیال سے بھیٹ، مظہر مجید کو بنگیال سے گوڑہا اتم سنگھ، موسیٰ شاہ کو سکندر پور سے تتروٹ، یاسر محمود کو بھیٹ سے بڑا گواہ، فرخ ابرار کو تتروٹ سے ڈومیلی، شفیق الرحمان کو پڑی درویزاں سے لہڑی اور وجاہت اظہر کو ڈومیلی سے جنڈالہ تعینات کیا گیا ہے۔
اسی طرح محمد مصطفیٰ کو رسول پور سے گتر، محمد اویس افضال کو سماہل سے رسول پور، نوید اقبال کو کوہالی سے دہرہ، محمد اویس محبوب کو تھپلہ سے پھڈیال، فرحان مسعود کو بلبل کلاں سے جندوٹ، توقیر امتیاز کو منگوٹ سے دیوان حضوری، حماد احمد کو میانی سیداں سے بلبل کلاں، عمران ریاض کو جھنگی مصری سے پھلڑے سیداں، عرفان شاہ کو پھلڑے سیداں سے جھنگی مصری اور ہارون شمس کو جندوٹ سے میانی سیداں تبادلہ کیا گیا ہے۔
مزید برآں محمد ارشد کیانی کو کھوہار کھا سے سوہاوہ، قیصر علی کو دیوان حضوری سے ہتھیہ، راجہ بابر علی کو کوٹ دھمیک سے گڈاریاں، علیم نواز کو گڈاریاں سے کوٹ دھمیک، اسد محمود کو کرونٹہ سے سرگھٹن، طلحہ افضال کو بکڑالہ سے بھنگالہ، اظہر علی کیانی کو سوہاوہ سے کھوہار کھا اور فرحان امتیاز کو سوگیال سے منگوٹ تعینات کیا گیا ہے۔
انتظامیہ کے مطابق بعض پٹواریوں کو مختلف مواضعات کے اضافی چارجز بھی تفویض کیے گئے ہیں، جن میں تھپلہ، دانی، پدھری، سماہل، کوہالی، سکندر پور، دیال، کرونٹہ، سوگیال، پنڈ متے خان اور دیگر حلقے شامل ہیں۔
انتظامیہ نے تمام تبادلہ شدہ افسران و اہلکاران کو فوری طور پر نئی تعیناتیوں پر چارج سنبھالنے کی ہدایت کی ہے۔ حکام کے مطابق ان انتظامی تبدیلیوں کا مقصد ریونیو امور کو مزید مؤثر بنانا اور عوام کو زمین و دیگر محکمہ مال سے متعلق مسائل کے حل کے لیے بہتر اور بروقت سہولیات فراہم کرنا ہے۔
