حلقہ این اے 61 کی محرومیاں ختم کرنے میں کسر نہیں چھوڑوں گا، چوہدری فرخ الطاف

جہلم: چوہدری فرخ الطاف نے کہا کہ ہماری سیاست کا ایجنڈا عوام کی بے لوث خدمت ہے، قومی اسمبلی کے حلقہ این اے 61 کے عوام نے میرے اوپر اعتماد کیا تو محرومیاں ختم کرنے میں کسر نہیں چھوڑوں گا۔

جہلم کے حلقہ این اے 61 سے پاکستان مسلم لیگ (ن) امیدوار چوہدری فرخ الطاف نے صحافیوں سے گفتگو کرتے ہوئے کہا کہ حلقہ این اے 61 سے قومی اسمبلی کی نشست پر حصہ لے رہا ہوں۔ تحصیل پنڈدادنخان، تحصیل جہلم اور تحصیل سوہاوہ کی عوام نے منتخب کیا تو علاقے کی محرومیوں اور پسماندگی کا خاتمہ میرے منشورکا حصہ ہے۔

سابق ایم این اے نے کہا کہ عوام مسلم لیگ ن کے امیدواروں کو کامیاب بنائیں تاکہ ملک میں جاری مہنگائی، بے روزگاری اور لوڈ شیڈنگ کا خاتمہ ممکن ہو سکے، میرے حلقے کے عوام میرے ساتھ بے پنا ہ محبت کرتے ہیں ۔

چوہدری فرخ الطاف نے کہا کہ میرا الیکشن میں حصہ لینے کا مقصد حلقے کی پسماندگی کا خاتمہ ہے، حلقہ کی عوام نے مجھ پر اعتماد کیا تو انشاء اللہ صاف پانی، صحت اور تعلیم کی بہتر سہولیات، نوجوا نوں کیلئے روزگار، کھیلوں کے میدان اور دیگر ترقیاتی کام میری اولین ترجیحات میں شامل ہوں گے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button