جہلم: اپنا گھر اور اپنی چھت پانے کے خواہشمند افراد کے لیے بڑی خوشخبری آگئی ، جس سے قرض حاصل کرنے میں آسانی ہوگی۔
تفصیلات کے مطابق وزیراعلیٰ پنجاب مریم نوازشریف کا ”اپنی چھت اپنا گھر پروگرام“ ہزروں گھرانوں کے لئے خوشی کا پیغام لے آیا۔
”اپنی چھت اپنا گھرپروگرام“ کے تحت مختصر مدت میں 1562 گھروں کی تکمیل کا منفرد ریکارڈ قائم ہوگیا۔
پروگرام کے تحت 9کروڑ 24لاکھ روپے کے قرضوں کی وصولی پروگرام کی شفافیت کا ثبوت ہے اور 21 ہزار 797 سے زائد گھر تکمیل کے آخری مراحل
میں ہے۔
ساڑھے 25 ہزار سے زائد گھرانوں کو 26 ارب 97 کروڑ سے زائد کے قرضے جاری کئے جاچکے ہیں جبکہ ساڑھے 11 ہزار گھرانوں کو گھر کی تعمیر کے لئے دوسری قسط جاری کردی گئی ہے۔
پروگرام کے تحت 1106 مزید قرضوں کی اجراء کے لئے منظوری بھی دے دی گئی ہے، شہری علاقوں میں ایک سے پانچ مرلہ تک گھر کے لئے قرضے مل رہے ہیں جبکہ دیہات میں ایک سے دس مرلے تک پلاٹ مالکان کو قرضے مل رہے ہیں۔
پروگرام کے تحت قرضے کے لئے acag.punjab.gov.pk پر گھر بیٹھے اپلائی کیا جا سکتا ہے۔
اس موقع پر وزیراعلیٰ مریم نوازشریف نے کہا کہ قائد محمد نوازشریف کے ویژن کے تحت ”اپنی چھت،اپنا گھر پروگرام“ کامیابی سے جاری ہے، پروگرام ہزاروں خاندانوں کے لئے خوشی کا پیغام لارہا ہے۔
ان کا کہنا تھا کہ ہر نیا بننے والا گھر دیکھ کر ہونے والی خوشی کو لفظوں میں بیان نہیں کیا جا سکتا ہے، پروگرام کے ٹارگٹ پورا کرنے کے لئے میں اور میری ٹیم پرعزم ہیں۔
وزیراعلیٰ نے مزید کہا کہ ماضی میں اپنے گھر کے وعدے ہوتے رہے،مسلم لیگ (ن)نوازشریف کی قیادت میں کرکے دکھایا، خوش ہوں کہ اللہ تعالیٰ نے عوام سے کیا ایک اور وعدہ پورا کرنے کی توفیق دی۔
