جہلم: ڈی پی او جہلم ناصر محمود باجوہ کی زیر صدارت جنرل الیکشن 2024 کی تیاریوں اور ٹریننگ کے سلسلے میں پولیس اجلاس اور ٹریننگ سیشن کا انعقاد کیا گیا۔
ٹریننگ سیشن میں بابا جی پیر عرفان الحق اور ڈپٹی کمشنر جہلم کیپٹن (ر) سمیع اللہ فاروق نے خصوصی شرکت کی۔
پولیس اجلاس اور ٹریننگ سیشن میں ایس پی انویسٹی گیشن جہلم محمد حسیب راجہ، ڈی ایس پیز ضلع ہذا، ایس ایچ اوز ضلع ہذا، انچارج برانچز اور ضلع بھر کے پولیس افسران نے شرکت کی۔
بابا جی پیر عرفان الحق اور ڈپٹی کمشنر جہلم کیپٹن (ر) سمیع اللہ فاروق نے پولیس اجلاس کے شرکاء سے خطاب کیا۔
ڈی پی او جہلم ناصر محمود باجوہ کی زیر صدارت جنرل الیکشن 2024 کی تیاریوں اور ٹریننگ کے سلسلے میں پولیس اجلاس اور ٹریننگ سیشن کا انعقاد، بابا جی پیر عرفان الحق صاحب اور ڈپٹی کمشنر جہلم کیپٹن (ر) سمیع اللہ فاروق کی خصوصی شرکت، pic.twitter.com/3up92qPykW
— JHELUM POLICE OFFICIAL (@police_jhelum) January 27, 2024
ڈی ایس او انسپکٹر یاسر محمود ربانی نے شرکاء کو جنرل الیکشن کے پر امن انعقاد کے لئے احکامات و ہدایات کے بارے میں پریزنٹیشن اور بریفنگ دی۔ ڈی پی او جہلم ناصر محمود باجوہ اور ایس پی انویسٹی گیشن جہلم محمد حسیب راجہ نے فول پروف سکیورٹی اور ضابطہ اخلاق کے حوالے سے پولیس افسران سے خطاب کیا اور ضروری ہدایات دیں۔
ڈی پی او جہلم ناصر محمود باجوہ نے کہا کہ الیکشن کے انعقاد کو پرامن بنانے کے لئے تمام ضروری اقدامات اٹھائے جائیں گے، قانون کی خلاف ورزی پر کوئی رعایت نہیں برتی جائے گی۔
پولیس اجلاس اور ٹریننگ سیشن میں ایس پی انویسٹیگیشن جہلم محمد حسیب راجہ، ڈی ایس پیز ضلع ہذا، ایس ایچ اوز ضلع ہذا، انچارج برانچز اور ضلع بھر کے پولیس افسران نے شرکت کی، pic.twitter.com/a10PFSfvrS
— JHELUM POLICE (@police_jhelum) January 27, 2024
انہوں نے کہا کہ امن و امان کے قیام کیلئے مشکوک افراد کی کڑی نگرانی،اسلحہ کی نمائش، ہوائی فائرنگ، نفرت آمیز مواد کی تشہیر کے خلاف بلا تفریق کارروائی کی جائے گی، الیکشن کے سامان کی وصولی اور ترسیل کے دوران سکیورٹی کے سخت انتظامات کیے گئے ہیں۔
ڈی پی او جہلم ناصر محمود باجوہ نے کہا کہ الیکشن ڈے پر پولیس افسران و جوان ایس او پی کے مطابق اپنی ڈیوٹی سر انجام دیں گے، پولیس اہلکار پولنگ ڈے پر پرامن ماحول فراہم کریں گے، حساس پولنگ اسٹیشنز پر سکیورٹی کے سخت انتظامات کیے گئے ہیں۔
ڈسٹرکٹ پولیس آفیسر جہلم نے کہا کہ حساس پولنگ اسٹیشنز پر جدید سی سی ٹی وی کیمرے لگائے جائیں گے، قانون کی عملداری کو ہر صورت یقینی بنایا جائے گا۔
