جہلم: تھانہ صدر پولیس نے ایک اہم کارروائی کے دوران لڑائی جھگڑا کرنے اور شہری کو جان سے مارنے کی دھمکیاں دینے والے ملزم عرفان نظامی کو گرفتار کر لیا۔
پولیس کے مطابق ایس ایچ او تھانہ صدر اور ان کی ٹیم نے فوری کارروائی کرتے ہوئے ملزم کو حراست میں لے لیا، جس کے قبضے سے 12 بور رائفل اور کارتوس برآمد کر لیے گئے۔
ملزم کے خلاف تھانہ صدر میں مقدمہ درج کر لیا گیا ہے اور مزید قانونی کارروائی جاری ہے۔
ڈسٹرکٹ پولیس آفیسر جہلم طارق عزیز سندھو کا کہنا ہے کہ ناجائز اسلحہ رکھنے والے ملزمان کے خلاف بھرپور کریک ڈاؤن جاری ہے اور قانون شکنی کرنے والوں کو کسی صورت معاف نہیں کیا جائے گا۔
