ویڈیو: ڈسٹرکٹ جیل جہلم تاریخ، جدید سہولیات اور اصلاح کا مرکز

جہلم: 1854 میں تعمیر ہونے والی ڈسٹرکٹ جیل جہلم تاریخی اعتبار سے اپنا الگ مقام تو رکھتی ہے اسکے ساتھ صفائی ستھرائی اور اسیران کی سہولیات دوسری جیلوں کے مقابلے میں بہت اعلی ہیں۔

احاطہ جیل میں سبزیاں کاشت کی جارہی ہیں جو نہ صرف جہلم جیل بلکہ پنجاب کی دوسری جیلوں میں بھی تازہ موسمی سبزیاں سپلائی کی جاتی ہیں۔ لنگر خانے میں صفائی کے ساتھ ساتھ قیدیوں حوالاتیوں کے لئے کھانے کا بہترین انتظام کیا جاتا ہے۔

جیل میں اسیران کو ویڈیو کال کی سہولت میسر کردی گئی ہے، جہاں پر اسیران لواحقین سے بات کرتے ہیں جس کے لئے سپیشل وڈیو کال سینٹر قائم کیا گیا ہے۔

قیدیوں، حوالاتیوں کے مطالعے کے لئے بیرکس لائبریری بھی بنائی گئی ہے۔یہ لائبریری جیل کی ہر بارک میں موجود ہے جہاں پر کتب بینی کے شوقین اسیران 24گھنٹے علم کی پیاس بجھاتے ہیں۔ 2ہزار سے زائد علمی، ادبی، شاعری، تاریخی کتب سمیت ہر طرح کی معلوماتی کتب مہیا کی گئی ہیں۔

ڈسٹرکٹ جیل کے اندر ایک اور نئی جیل تعمیر کی گئی ہے، نئی جیل سے ملحقہ زیر تعمیر مسجد موجود ہے جس کا کام جاری ہے۔