جہلم: گورنمنٹ تبلیغ السلام ہائی سکول جہلم کی رسہ کشی ٹیم نے راولپنڈی ڈویژن میں پہلی پوزیشن حاصل کر لی۔
فائنل مقابلہ گورنمنٹ تبلیغ السلام ہائی سکول جہلم اور گورنمنٹ ہائی سکول چکوال کے درمیان کھیلا گیا، جس میں ایک سخت مقابلے کے بعد گورنمنٹ تبلیغ السلام ہائی سکول جہلم کے طلباء نے فتح حاصل کر کے راولپنڈی ڈویژن میں پہلی پوزیشن حاصل کر لی۔
گزشتہ روز فاتح ٹیم کے گورنمنٹ تبلیغ السلام ہائی سکول پہنچنے پر طلباء و اساتذہ اور شہری تنظیموں کے عمائدین نے رسہ کشی ٹیم کا بھرپور استقبال کیا۔ پہلی پوزیشن حاصل کرنے والی ٹیم پر گورنمنٹ تبلیغ السلام ہائی سکول کے داخلی گیٹ پر پھولوں کی پتیاں نچھاور کی گئیں۔
سکول کے طلباء ڈھول کی تھاپ پر بھنگڑے ڈالتے ہوئے جیتنے والی ٹیم کو پنڈال میں لیکر پہنچے جہاں پر شہری تنظیموں ، اساتذہ اور طالبعلموں نے کھڑے ہو کر بھرپور استقبال کیا۔
اس موقع پر گورنمنٹ تبلیغ السلام ہائی سکول کے پرنسپل اور سینئر اساتذہ نے جیتنے والی ٹیم کے انچارج شاہد حمید، ممتاز احمداور محمد اکرم ملک کو مبارک باد پیش کی اور پوری ٹیم کی شاندار کار کردگی پر سراہا۔
