جہلم: ڈسٹرکٹ ایمرجنسی بورڈ کا اجلاس ایڈیشنل ڈپٹی کمشنر جنرل صباء سحر کی صدارت میں منعقد ہوا۔
اجلاس میں جی ٹی روڈ پر بڑھتے ہوئے ٹریفک حادثات کی روک تھام کے لیے اقدامات کا جائزہ لیا گیا۔ اجلاس میں ریسکیو 1122، ضلعی پولیس، ٹریفک پولیس، اسسٹنٹ کمشنر کوآرڈینیشن حافظ زنیر یونس اور دیگر افسران نے شرکت کی۔
اجلاس میں جی ٹی روڈ پر حادثات کی صورتحال پر تفصیلی بریفنگ دی گئی اور حفاظتی و انتظامی اقدامات کو یقینی بنانے پر زور دیا گیا۔
ایڈیشنل ڈپٹی کمشنر صباء سحر نے ہدایت کی کہ تمام محکمے باہمی مشاورت سے حادثات کی روک تھام کے لیے مؤثر حکمت عملی اپنائیں۔
انہوں نے کہا کہ یوٹرن پر حادثات سے بچاؤ کے لیے شہریوں میں آگاہی مہم کا آغاز کیا جا رہا ہے، تاکہ عوام کو ٹریفک قوانین پر عملدرآمد کی اہمیت سے روشناس کرایا جا سکے۔
