پنڈدادنخان: کھیوڑہ نمک کان دنیا بھر کے سیاحوں کی توجہ کا مرکز ہے، یہاں بنیادی سہولیات کی فراہمی انتہائی ضروری ہے۔ حکومت پنجاب کروڑوں روپے کے فنڈز کھیوڑہ میں ترقی کے لیے خرچ کر رہی ہے ۔
یہ بات ڈپٹی کمشنر جہلم میثم عباس نے کھیوڑہ کا دورہ کرتے ہوئے کہی۔ ڈپٹی کمشنر نے سول ہسپتال کھیوڑہ میں بنیادی طبی سہولیات کا جائزہ لیتے ہوئے محکمہ صحت کو یہاں تمام ضروری طبی سہولیات ، مشینری فراہم کرنے کی ہدایت کی ۔
انہوں نے ہسپتال میں تمام ضروری ادویات کی ہمہ وقت فراہمی یقینی بنانے کا حکم دیا ۔
ڈپٹی کمشنر نے کھیوڑہ فیملی پارک میں جاری کام اور کرکٹ سٹیڈیم کا بھی مشاہدہ کرتے تعمیراتی کام کا جائزہ لیا اور کھیوڑہ کے رہائشیوں کو ان سہولیات سے مستفید کرنے کے لیے جلد تکمیل کی ہدایت کی ۔
