ڈی پی او جہلم ناصر محمود باجوہ نے تھانہ صدر، تھانہ سٹی، تھانہ سول لائینز، تھانہ دینہ اور سی آئی اے ہیڈ کوارٹرز کا دورہ کیا اور تھانہ جات کی صفائی، مال مقدمہ، تکمیل ریکارڈ، حوالات اور عمارت کا تفصیلی جائزہ لیا۔
ڈی پی او جہلم نے ایس ایچ او تھانہ صدر، ایس ایچ او تھانہ سٹی، ایس ایچ او تھانہ سول لائینز اور محرر تھانہ صدر، محرر تھانہ سٹی اور محرر تھانہ سول لائینز کو صفائی کے ناقص انتظامات پر شوکاز نوٹس جاری کیے۔
انہوں نے تمام افسران کو صفائی کے انتظامات بہتر بنانے اور زیر تفتیش مقدمات کو بھی جلد از جلد یکسو کرنے کا حکم دیا۔
ڈی پی او جہلم ناصر محمود باجوہ کا تھانہ صدر، تھانہ سٹی، تھانہ سول لائینز، تھانہ دینہ اور سی آئی اے ہیڈ کوارٹرز کا وزٹ تھانہ جات کی صفائی، مال مقدمہ، تکمیل ریکارڈ، حوالات اور عمارت کا تفصیلی جائزہ لیا،ڈی پی او جہلم نے ایس ایچ او تھانہ صدر، ایس ایچ او تھانہ سٹی، ایس ایچ او تھانہ pic.twitter.com/6nut3OdN6J
— JHELUM POLICE OFFICIAL (@police_jhelum) October 10, 2023
ڈی پی او جہلم ناصر محمود باجوہ نے کہا کہ فرنٹ ڈیسک اچھی حالت میں کام کرنے چاہیں، صفائی کے معیار کو مزید بہتر بنایا جائے، اشتہاری مجرمان کی گرفتاری کو یقینی بنایا جائے۔
ڈسٹرکٹ پولیس آفیسر نے پولیس افسران کو انسپکٹر جنرل آف پولیس پنجاب کی طرف دی گئی ٹائم لائن کے اندر ایف آئی آر درج کرنے کا حکم دیا۔
ڈی پی او جہلم ناصر محمود باجوہ نے کہا کہ شہریوں کے ساتھ اچھے اخلاق سے پیش آئیں اور مسائل کے حل کو یقینی بنایا جائے۔ پولیس کی کارکردگی جانچنے کےلئے تھانوں اور دفاتر کے وزٹ کا سلسلہ جاری رہے گا۔
