جہلم: جہلم چیمبر آف کامرس کے انتخابات مکمل ہونے کے بعد پی ایم اے پنجاب کے انتخابات 13 اکتوبر 2024 کو متوقع، پی ایم اے قائدین نے الیکشن مہم کا باضابط آغاز کر دیا۔
اس حوالے سے موجودہ صدر پی ایم اے جہلم ڈاکٹر حفیظ الرحمن متحرک ہو گئے ڈاکٹرز سے میل ملاقاتوں کے سلسلے شروع ہو گئے۔
گزشتہ روز صدارتی امیدوار ڈاکٹر مقصود زاہد، صدر پی ایم اے گجرات اور دیگر معزز ڈاکٹرز سمیت طبی ماہرین کے ایک اعلیٰ سطحی وفد نے میجر اکرم شہید روڈ پر واقع سرمد ہسپتال کا دورہ کیا۔
پی ایم اے جہلم کے وفد جس میں صدر ڈاکٹر حفیظ الرحمٰن، ڈاکٹر امجد حسین، ڈاکٹر شبیر شاہ ، ڈاکٹر توقیر اور دیگر معزز ممبران شامل تھے سے ملاقات کے بعد انہوں نے ہسپتال کی طبی سہولیات اور خدمات پر اطمینان کا اظہار کیا۔
دورہ کرنے والے وفد نے ہسپتال کے جدید ترین آلات اور ماہر ین صحت سے متاثر ہوئے، جس میں ڈاکٹر حفیظ الرحمٰن جیسے معروف ماہرین، 35 سال سے زیادہ کا تجربہ رکھنے والے پلمونولوجسٹ بھی شامل ہیں۔ معیاری صحت کی دیکھ بھال کی فراہمی کے لیے سرمد ہسپتال کا عزم نمایا ں ہے اور وفد کی مثبت رائے ہسپتال کی شاندار کار کردگی کا منہ بولتا ثبوت ہے۔
