جہلم شہر کو صاف ستھرا رکھنا شہریوں کی اولین ذمہ داری ہے، سماجی و شہری حلقے

جہلم شہر کو صاف ستھرا رکھنا شہریوں کی اولین ذمہ داری ہے ، سڑکوں کی ٹوٹ پھوٹ اور آبادیوں میں پھیلی گندگی شہریوں میں عدم اعتماد اور اپنی ذمہ داریوں سے منہ موڑنے کی وجہ سے ہے ، شہریوں کو بھی اپنی ذمہ داریوں کو سمجھنا ہوگا۔

ان خیالات کا اظہار شہر کی سماجی، رفاعی، فلاحی، مذہبی و شہری تنظیموں کے عمائدین نے شہریوں کو مخاطب کرتے ہوئے کیا۔ انہوں نے کہا کہ شہر میں پھیلتی گندگی ، سڑکوں و گلیوں کی کھدائی کرکے اپنے گھروں تک پائپ لائنیں بچھانے کے بعد مکمل طریقے سے سیمنٹ نہ کرنے سے سڑکیں ، گلیاں ٹوٹ پھوٹ کا شکار ہورہی ہیں ،جبکہ بعض گھریلو افراد اور دکاندار سڑکوں و گلیوں میں پانی پھیلا دیتے ہیں جس کیوجہ سے سڑکیں اور گلیاں گڑھوں میں تبدیل ہوجاتی ہیں۔

انہوں نے کہا کہ شہریوں کو بھی اپنی ذمہ داریوں کا احساس کرنا ہوگا۔ ضلعی انتظامیہ وقت پر اپنا کام تو کرتی ہے لیکن اس کے بعد شہری آبادیوں میں ہونے والے ترقیاتی کاموں کیوجہ سے مسائل پیدا ہوجاتے ہیں ، شہریوں کو چاہیے کہ گھروں کی گندگی پلاٹوں میں پھینکنے کی بجائے شہرکے مختلف مقامات پر قائم فلتھ ڈپوؤں میں پھینکیں جس سے شہری آبادی گندگی سے پاک ہو سکتی ہے۔

دوسری جانب گھروں تک پانی ، گیس و سیوریج وغیرہ کی پائپ لائنیں بچھانے کی غرض سے گلی و سڑکوں کی توڑ پھوڑ سے قبل میونسپل کمیٹی سے تحریری طور پر اجازت لیں تاکہ متعلقہ ادارے گلیوں ،سڑکوں کی بہتر انداز میں مرمت کروا سکیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button