سلاؤ: پاکستان ہمارے بزرگوں نے بڑی قربانیوں اور جدوجہد کے بعد حاصل کیا ہمیں اس کی قدر کرتے ہیں پاکستان ہم سب کا ملک ہے اس کی ترقی اور خوشحالی میں مثبت کردار ادا کرنا ہم سب کی مشترکہ ذمہ داری ہے یوم قرارداد پاکستان پر ہم سب مل کر عہد کرتے ہیں کہ پاکستان کی ترقی اور بہتری کے لیے ہم بلاتفریق کام کریں گے۔
ان خیالات کا اظہار پاکستان ہائی کمیشن لندن کے فرسٹ سیکرٹری اعجاز حسین نے سلاؤ میں پاکستانی سوشل سوسائٹی کے زیر اہتمام یوم قرارداد پاکستان ڈے کے حوالے سے منعقدہ افطار ڈنر کے موقع پر اظہار خیال کرتے ہوئے کہا کہ اوورسیز پاکستانیوں نے ہمیشہ ملک پاکستان کے مفادات کو ہر وقت مقدم رکھا جس پر کمیونٹی کو خراج تحسین پیش کرتے ہیں پاکستان نے ہمیشہ مشکل حالات کا مقابلہ کیا پاکستان ایک مرتبہ پھر مشکلات سے نکل کر ترقی کے سفر کو جاری رکھے گا پاکستانی قوم بہادر اور محب وطن ہے ہم ہر قسم کے حالات کا سامنا پوری قوت ایمانی سے کرنے کی صلاحیت رکھتے ہیں۔
انہوں نے کہا کہ برطانیہ سمیتپوری دنیا میں جب کوئی اوورسیز پاکستانی زندگی کے کسی بھی شعبے میں ترقی اور کامیابی حاصل کرتا ہے تو ہمارا سر فخر سے بلند ہوتا ہے اوورسیز پاکستانی ملک پاکستان کے بہترین سفیر ہیں۔انہوں نے کہا کہ پاکستان ہائی کمیشن لندن کمیونٹی کے ساتھ ہر سطع پر مل کر کام کرنا چاہتا ہے کمیونٹی کے ساتھ تعلق کو مل کر مزید مضبوط بنائیں گئے۔
فرسٹ سیکرٹری پاکستان ہائی کمیشن لندن اعجاز حسین نے کہا کہ پاکستان ہائی کمیشن لندن اوورسیز پاکستانیوں کا اپنا گھر ہے ہمارے دروازے سب کے لیے کھلے ہیں۔ میں کمیونٹی کو پاکستان ہائی کمیشن لندن کی طرف سے کھلی دعوت دیتا ہوں اوورسیز پاکستانی ہمارے جسم و جان کا حصہ ہیں ان کے ساتھ مل کر ان کے مسائل کے حل کے ساتھ ساتھ ملک پاکستان کی ترقی میں مل کر کام کرنا چاہتے ہیں۔
انہوں نے کہا کہ کمیونٹی کے تمام طبقات کو ساتھ لے کر آگے بڑھیں گے۔
تقریب سے ممتاز سیاسی سماجی رہنما فوکل پرسن وزرات اوورسیز پاکستانیز اٹلی چوہدری فیصل چیچی نے اظہار خیال کرتے ہوئےکہا کہ پاکستان کے مفاد کاتحفظ کرناہم سب کی مشترکہ ذمہ داری ہے یوم قراردار پاکستان ڈے ہمارے لیے اتفاق و اتحاد کا واضع پیغام ہے۔ پاکستان کے قومی دن منا کر ہم اپنے بزرگوں کی قربانیوں کو یاد کرتے ہیں۔ پاکستان ہائی کمیشن لندن کا کمیونٹی سے مضبوط تعلق دیکھکر خوشی ہوئی۔
تقریب کے اسٹیج سیکرٹیری وقار ملک نے اظہار خیال کرتے ہوئے کہا بیرونی دنیا میں ہم صرف اور صرف پاکستانی ہیں ہمیں اپنے سیاسی اور دیگر ذاتی اختلافات کو بالاۓ طاق رکھتے ہوے ملک پاکستان کے مفاد کو سامنے رکھنا ہو گا۔
میزبان پاکستانی سوشل سوسائٹی کے چیئرمین قیصر چیچی صدر چوہدری منور چیچی، سیکٹریری جنرل محمد علی نے اظہار خیال کرتے ہوئے فرسٹ سیکریٹری ہائی کمیشن لندن کو سلاؤ آمد پر خوش آمدید کہا۔ انہوں نے کہا کہ ہماری تنظیم کا مقصد برطانیہ میں پاکستانیت کو فروغ دینا ہے اس کے لیے ہم اپنا کام جاری رکھیں گے۔ میاں سلیم نے کہا کہ پاکستان سے محبت ہمارے ایمان کا حصہ ہے۔
تقریب سے آزاد کشمیر کے سابق وزیر محمود ریاض،حمد کاشف، چوہدری عنصر ایڈووکیٹ، احسن گھرال، نعیم طاہرسمیت مقامی کونسلرز کمیونٹی رہنماؤں کی بڑی تعداد شریک ہوئی۔ فرسٹ سیکٹریری پاکستان ہائی کمیشن اعجاز حسین نے کمیونٹی رہنماؤں کے ہمراہ یوم قراردار پاکستان ڈے کی خوشی میں کیک بھی کاٹا اورانہیں گفٹ بکس بھی پیش کیے۔
