دینہ میں افغان باشندے کو پناہ دینے والے 2 افراد کو پولیس نے گرفتار کر لیا۔
تفصیلات کے مطابق جہلم کی تحصیل دینہ میں ایس ایچ او تھانہ دینہ سرمد ملک اور پولیس ٹیم نے کارروائی کرتے ہوئے افغان شہری کو غیر قانونی طور پر پناہ دینے میں ملوث دو ملزمان کو گرفتار کر لیا۔
پولیس کے مطابق ملزمان کے خلاف تھانہ دینہ میں ٹیمپریری ریزیڈنس آرڈیننس کے تحت باقاعدہ مقدمہ درج کر کے قانونی کارروائی کا آغاز کر دیا گیا ہے۔
پولیس حکام کا کہنا ہے کہ غیر قانونی طور پر مقیم غیر ملکیوں کو پناہ دینا قانوناً جرم ہے اور اس حوالے سے کسی قسم کی رعایت نہیں برتی جائے گی۔
اس موقع پر طارق عزیز سندھو نے واضح کیا کہ کسی کے ساتھ ظلم یا ناانصافی برداشت نہیں کی جائے گی، تاہم غیر قانونی رہائش رکھنے والوں کو ملک میں قیام کی اجازت نہیں دی جا سکتی۔
ڈسٹرکٹ پولیس آفیسر جہلم کے مطابق قانون کی خلاف ورزی کرنے والوں کے خلاف بھرپور کریک ڈاؤن جاری ہے اور شہریوں سے اپیل ہے کہ وہ غیر قانونی طور پر مقیم غیر ملکیوں کے بارے میں فوری طور پر پولیس کو اطلاع دیں تاکہ قانون پر مؤثر عملدرآمد یقینی بنایا جا سکے۔
