جہلم: ڈی پی او جہلم ناصر محمود باجوہ کی زیر صدرات ڈی پی او آفس جہلم میں کرائم میٹنگ منعقد ہوئی، میٹنگ میں ایس ڈی پی اوز ضلع ہذا، ایس ایچ اوز ضلع ہذا، سی آئی اے سٹاف، ٹریفک سٹاف اور انچارج برانچز کی شرکت جبکہ ڈی ایس پی پنڈدادنخان نے بذریعہ ویڈیو لنک میٹنگ میں شرکت کی۔
ڈی پی او جہلم نے انسپکٹر جنرل آف پولیس پنجاب ڈاکٹر عثمان انور کے وژن کے مطابق ایس ڈی پی اوز اور ایس ایچ اوز کی فرداً فرداً کارکردگی کا جائزہ لیا۔
ناصر محمود باجوہ نے کہا کہ انسپکٹر جنرل آف پولیس پنجاب ڈاکٹر عثمان انور کے احکامات کی روشنی میں آئی ٹی سپیشل انیشیٹیوز پر فوکس کیا جائے، جرائم برخلاف پراپرٹی میں مزید بہتری لائی جائے، تھانہ جات کی صفائی ستھرائی کے انتظامات کو بہتر بنایا جائے۔
ڈی پی او جہلم نے کہا کہ منشیات فروشوں کے خلاف کریک ڈاؤن میں تیزی لائی جائے، زیر تفتیش مقدمات میں ملزمان کی گرفتاری اور برآمدگی کو ہر صورت یقینی بنایا جائے، مقدمات کے چالان کی بروقت تکمیل کو یقینی بنایا جائے۔
ڈسٹرکٹ پولیس آفیسر جہلم ناصر محمود باجوہ نے مزید کہا کہ سروس ڈیلیوری اور شہریوں کی جان و مال کا تحفظ اولین ترجیح ہے۔
