جہلم: چوہدری محمد عارف نے کہا کہ ہم پاک فوج کے شانہ بشانہ کھڑے ہیں اور ڈی جی آئی ایس پی آر کے مؤقف کی مکمل تائید کرتے ہیں۔
سابق مشیر وزیراعلیٰ پنجاب اور صدر مرکزی انجمن تاجران چوہدری محمد عارف نے سابق رکن صوبائی اسمبلی راجہ یاور کمال کے ہمراہ مشترکہ پریس کانفرنس سے خطاب کرتے ہوئے کہا کہ ملکی سلامتی، استحکام اور امن کے لیے پاک فوج کی خدمات قابلِ تحسین ہیں اور پوری قوم اپنے بہادر سپاہیوں کے ساتھ کھڑی ہے۔
انہوں نے واضح کیا کہ ملک دشمن عناصر کے پروپیگنڈے کو ناکام بنانے کے لیے تاجروں اور عوام کو متحد ہونا ہوگا۔ پریس کانفرنس میں شہریوں اور تاجر برادری سے اپیل کی گئی کہ وہ قومی اداروں کی مضبوطی اور ملک کے امن و استحکام کے لیے اپنا کردار ادا کریں۔
اس موقع پر راجہ محمد سعید (صدر صرافہ ایسوسی ایشن)، حاجی طارق محمود دوول (چیئرمین صرافہ ایسوسی ایشن)، شیخ احسان (صدر شیخ برادری)، سید مظہر شاہ (صدر فرنیچر ایسوسی ایشن)، راجہ کامران (صدر کار ڈیلرز ایسوسی ایشن)، ندیم اختر بوبی (سینئر نائب صدر صرافہ ایسوسی ایشن) سمیت تاجر برادری کی بڑی تعداد موجود تھی۔
