جہلم: پولیس تحفظ مرکز جہلم نے ایک منفرد اقدام کے ذریعے خدمتِ خلق کی مثال قائم کر دی۔
تفصیلات کے مطابق جہلم میں ایک بزرگ شہری نے پولیس تحفظ مرکز پر درخواست دی کہ ان کا بیٹا نافرمانی کرتا ہے اور تعلقات میں دراڑ پڑ گئی ہے۔
جہلم پولیس نے فوری کارروائی کرتے ہوئے بیٹے کو تحفظ مرکز بلایا اور والد کے سامنے معافی مانگنے کا کہا۔ والد نے فراخدلی کا مظاہرہ کرتے ہوئے اپنے بیٹے کو معاف کر دیا اور گلے لگا لیا۔
ڈسٹرکٹ پولیس آفیسر جہلم طارق عزیز سندھو نے کہا کہ جہلم پولیس شہریوں کی خدمت، ان کے مسائل کے حل اور امن و امان کے قیام کے لیے ہمہ وقت کوشاں ہے اور ایسے اقدامات معاشرتی ہم آہنگی اور اعتماد بڑھانے میں مددگار ثابت ہوتے ہیں۔
