جہلم: مسلم لیگ (ن)کے رہنما بلال اظہر کیانی نے کہا کہ ملک بھر میں بھر پور انتخابی مہم چلا رہے ہیں، آئندہ انتخابات میں کامیاب ہو کر ملک کو مسائل سے نکالیں گے، ہماری جماعت مخالفت بر ائے مخالفت کی سیاست پر یقین میں رکھتی۔
جہلم میں پریس کانفرنس سے خطاب کرتے ہوئے کہا کہ بلاول بھٹو کی باتیں دیکھ کر ایسا لگتا ہے کہ وہ عمران خان ٹو بننا چاہتے ہیں ، انہوں نے کہا کہ سارا مسئلہ یہ ہے کہ بالول کی ابھی کوئی سیاسی تربیت ہیں نہیں ہوئی ۔ نہ ا نکی والدہ نے انکی تربیت کی نہ ا نھیں اپنے نانا والی سیاست آتی ہے ۔
بلال اظہر کیانی نے کہا کہ اپنی باتو ں سے بلاول بالکل بھی بینظیر کے بیٹے نہیں لگتے ۔ کیونکہ محترمہ ن لیگ کے ساتھ میثاق جمہوریت پر یقین رکھتی تھیں وہ باہمی مفاہمت کے ساتھ ملک کو د رپیش چیلنجز سے نمٹنے کی حامی ہوتی تھیں جبکہ بلاو ل صر ف اپنی ساکھ کو نقصان پہنچانے کے انداز میں سیاست کر رہے ہیں ۔
انہوں نے کہا کہ یہ نہ تو بیرون ملک سے پڑھے لکھے لگتے ہیں نہ ہی سیاسی شعور کے مالک ۔ اتحادی حکومت نے ملک کو مشکل وقت میں سہارا دیا اور اس دوران تمام اتحادی جماعتوں نے ملک کی بہتری کے لئے مل کر کام کیا ۔ تاہم بلاول اب وہ دور بھول کر سستی شہرت کے لئے عمران خان کے پیروکار بن رہے ہیں ۔ ایسا لگ رہا ہے کہ پی ٹی آئی کا وائرس ان مین منتقل ہو گیا ہے ۔
