ڈیول کیرج وے منصوبہ پر تاخیر، ورکنگ کمیٹی کی مشاورتی مہم، کھیوڑہ میں اجتماع، 17 رکنی کمیٹی تشکیل

پنڈدادنخان: للِہ تا جہلم ڈیول کیرج وے منصوبہ پر تاخیر اور فنڈز کی عدم فراہمی کے خلاف ورکنگ کمیٹی للِہ جہلم روڈ کا مشاورتی عمل کا سلسلہ جاری ہے، اس سلسلہ میں کھیوڑہ میں اہم اجلاس منعقد ہوا جس میں شرکاء کی بڑی تعداد نے شرکت کی۔

اجلاس سے خطاب کرتے ہوئے کہا کہ کنوینئر ورکنگ کمیٹی للِہ جہلم روڈ مفتی بشیر احمد کرم ہے کہا کہ للِہ جہلم روڈ تعمیر میں تاخیر اور فنڈز کی عدم فراہمی سے ہزاروں افراد مشکلات کا شکار ہیں اور ٹرانسپورٹرز حضرات کو بھی سپیئر پارٹس کے حوالے سے اپنی گاڑیوں کا کافی نقصان پہنچ رہا ہے، اس پر امن احتجاج کا مقصد حکومت وفد کی اس پسماندہ تحصیل کی طرف توجہ دلانا ہے۔

انہوں نے کھیوڑہ میں کمیٹی کی تشکیل کے حوالے سے کلیئر کیا کہ اس کمیٹی کی سربراہی صرف علماء کرام ہی کریں گے اور یہ کمیٹی کسی قسم کی سیاسی وابستگی یا سیاسی مداخلت سے بالکل پاک ہوگی۔ کس نے فنڈز پاس کروائے یا کس نے روکے یہ ہمارا ایجنڈا نہیں ہے، ہمارا ایک ہی پوائنٹ ہے جو بڑا کلیئر ہے کہ اس روڈ کے فنڈز بحال کر کے اس روڈ کی تعمیر دوبارہ شروع کی جائے۔

کھیوڑہ کمیٹی کے سربراہی علامہ محمد صدیق کریں گے۔ باقی ممبران میں فضل حیدر شاہ،مہر تصور ،ملک زاہد، عبدالرؤف،ملک قمر بیگ،ملک غلام علی،عامر شہزاد،ڈاکٹر سرفراز ،ملک مصدق،مرزا گلزار ،ملک اشرف ،ملک باصر،ساجد کربلائی، سابق چیئرمین ملک فیصل ،ملک مٹھو ،حاجی قمر وقاص ،ملک عظیم اور ملک ظفر اقبال واڑہ شامل ہیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button