جہلم شہر میں ماڈرن گدا گروں کی بھر مار، حالات آؤٹ آف کنٹرول ہو گئے۔ صوبائی حکومت اگر گداگروں، بھکاریوں پر قابو نہیں پاسکتی تو اسے 100 فیصد منافع بخش کاروبار ڈکلیئر کر کے بھکاریوں کو ٹیکس کے دائرہ کار میں لایا جائے، بھکاریوں سے اکتائے ہوئے شہریوں نے حکام سے انوکھا مطالبہ کیا۔
تفصیلات کے مطابق جہلم شہر میں واقع سرائے ماڈرن گدا گروں کا محفوظ پناہ گاہیں بن گئیں، سراؤں کو بھکاریوں نے محفوظ پناہ گاہ کے طور پر اپنا مسکن بنالیا ہے۔ گداگری ایک ایسا جرم ہے جس کے خاتمے کی خاطر قانون سازی تو کی گئی ہے مگر بد قسمتی سے اس پر عملدرآمد کا شدید فقدان ہے۔
ضرورت مند لوگ کسی کے آگے ہاتھ پھیلانے سے قبل سو بار سوچتے اور حتی الامکان انکی کوشش ہوتی کہ ہرگز ہاتھ پھیلانے کی نوبت نہ آئے لیکن پچھلے چند ماہ سے سندھ اور پنجاب کے دیگر اضلاع کے بھکاریوں نے جہلم شہر میں واقع سرائے وغیرہ میں رہاش اختیار کررکھی ہے جو دن کے اوقات میں بھیک مانگتے ہیں اور رات کوارام کرنے کےلیے سرائے میں چلے جاتے ہیں۔
شہریوں نے ارباب اختیار سے نوٹس لینے کا مطالبہ کیاہے۔
