جہلم: حکومت پنجاب نے گریڈ 18 کے سینیئر ڈپٹی ڈائریکٹر انفارمیشن شہزاد احمد ورک کو ترقی دے کر گورنر پنجاب کا پبلک ریلیشنز آفیسر (پی آر او) تعینات کر دیا۔ انہوں نے عہدے کا چارج سنبھال کر باقاعدہ کام کا آغاز کر دیا ہے۔
شہزاد احمد ورک نے 2009 میں ڈی جی پی آر پنجاب کو جوائن کیا اور اپنی پیشہ ورانہ ذمہ داریوں کے دوران مختلف عہدوں پر خدمات سرانجام دیں۔ وہ نارووال، ننکانہ صاحب، شیخوپورہ، سیالکوٹ، بھکر، میانوالی، خوشاب، جہلم اور پاکپتن میں ڈسٹرکٹ انفارمیشن آفیسر کے طور پر تعینات رہے۔
اس کے علاوہ وہ ڈسٹرکٹ آفیسر کوآرڈینیشن ننکانہ، پنجاب جرنلسٹ ہاؤسنگ فاؤنڈیشن لاہور کے انتظامی شعبے کے سربراہ، پنجاب آرٹ کونسل کے ڈائریکٹر کورٹ اینڈ کلچر، ڈویژنل ڈائریکٹر پبلک ریلیشنز سرگودھا اور ڈائریکٹر آرٹس کونسل سرگودھا کے طور پر بھی خدمات انجام دے چکے ہیں۔
شہزاد احمد ورک کے پاس پبلک ریلیشنز، کوآرڈینیشن، مینجمنٹ اور ہیومن ریسورس کے شعبے میں 20 سالہ وسیع تجربہ ہے۔ وہ ابلاغیات میں ایم فل رول آف آنر کے ساتھ پاس کر چکے ہیں۔ اس کے علاوہ وہ تین کتابوں کے مصنف بھی ہیں اور ان کا شمار محکمہ اطلاعات و ثقافت کے قابل اور محنتی افسران میں ہوتا ہے۔
