جہلم: غریب کی سواری سمجھے جانے والے موٹرسائیکل بھی عام آدمی کی پہنچ سے دور ہوگئی جس کی قیمت بھی آسمان کی بلندی کو چھونے لگی ہے،میڈل کلاس افراد اب بھی موٹرسائیکل کو خریدنے کی استطاعت رکھتے ہیں، عوام میں مقبول سمجھی جانے والی ہونڈا سی ڈی 70 کی خریداری میں اب بھی اضافہ دیکھنے میں آرہا ہے کیونکہ فیول ایوریج اور پائیداری کے باعث خریدار اس کو ترجیح دیتے ہیں۔
تفصیلات کےمطابق پاکستان میں ہونڈا کی سی ڈی 70 بے حد مقبول ہے،یہ موٹر سائیکل اپنی قابل اعتماد کارکردگی، ایندھن کی بچت اور مناسب قیمت کی وجہ سے پاکستان میں فروخت کے چارٹ میں سرفہرست ہے، حالانکہ مارکیٹ میں کئی حریف گاڑیاں موجود ہیں۔
یہ موٹر سائیکل 72 سی سی فور اسٹروک ایئر کولڈ انجن سے لیس ہے، جو ایندھن کی بچت اور پائیداری کے لیے مشہور ہے، یہ شہری علاقوں میں سفر اور مختصر دوروں کے لیے مناسب طاقت فراہم کرتا ہے۔
پاکستان میں ہونڈا سی ڈی 70 کو اس کی ابتدائی خریداری قیمت اور کم دیکھ بھال کے اخراجات کی وجہ سے ایک سستی موٹر سائیکل سمجھا جاتا ہے، یہی وجہ ہے کہ مختلف طبقوں میں اس کی مقبولیت کافی زیادہ ہے۔
ہونڈا سی ڈی 70 ریڈ کی قیمت
مقامی مارکیٹ میں ہونڈا سی ڈی 70 ریڈ کی قیمت نومبر 2024 میں 1,57,900 روپے مقرر کی گئی ہے، سیاہ رنگ میں بھی یہی قیمت رکھی گئی ہے۔
ہونڈا سی ڈی 70 ریڈ کی قسطوں کا پلان
میزان بینک ایک سال کی مدت کے لیے آسان قسطوں کا منصوبہ پیش کرتا ہے، پلان کے تحت خریدار کو 64,960 روپے کی ابتدائی ادائیگی کرنا ہوگی، جبکہ 12 ماہ کے لیے ماہانہ قسط 7,895 روپے ہوگی۔
