جہلم: ڈسٹرکٹ پاپولیشن ویلفیئر افس جہلم کے زیر اہتمام ٹک ٹاکرز یوٹیوبرز اور دیگر سوشل میڈیا انفلوئنسرز کے ساتھ ایک آگاہی سیشن کا انعقاد کیا گیا جس میں ڈسٹرکٹ سپورٹس آفیسر طارق حسین گجر نے بطور مہمان خصوصی شرکت کی۔
حسن خالد وڑائچ ضلع آفیسر محکمہ بہبود آبادی نے مہمانوں کو خوش آمدید کہا اور ان کے ساتھ گفتگو کرتے ہوئے انہیں ماں بچے کی صحت، بیٹیوں کی تعلیم اور ان کے مساوی حقوق، وسائل اور ضروریات میں عدم توازن، صنفی امتیاز اور فیصلہ سازی میں خواتین کی عدم شرکت، غربت، بے روزگاری، ماحولیاتی الودگی جیسے کئی معاشرتی و معاشی مسائل کو بیان کیا۔
انہوں نے تمام سوشل میڈیا انفلوئنسرز سے کہا کہ اپ بھی اپنی ویڈیوز کے ذریعے عوام الناس کو ان مسائل کے بارے میں آگاہی دیں اور ملک اور معاشرے کی بہتری میں اپنا کردار ادا کریں۔
آخر میں حسن خالد وڑائچ نے تمام مہمانوں کا تہہ دل سے شکریہ ادا کیا کہ انہوں نے اپنا قیمتی وقت دیا۔
