جہلم میں پولیس نے ڈکیتی کے مقدمہ میں ملوث تین ملزمان کو گرفتار کر لیا۔
تفصیلات کے مطابق جہلم میں ایس ایچ او تھانہ چوٹالہ اور ان کی ٹیم نے کارروائی کرتے ہوئے ڈکیتی کے مقدمہ میں ملوث تین ملزمان کو حراست میں لیا اور تفتیش کے دوران ان سے 2 عدد پسٹل 30 بور بمعہ ایمونیشن اور وارداتوں میں چھینی گئی رقم برآمد کر لی گئی۔
پولیس حکام نے بتایا کہ گرفتار ملزمان کو ٹھوس شواہد کے ساتھ چالان عدالت کیا جائے گا اور انہیں قرار واقعی سزا دلوائی جائے گی۔ شہریوں کی جان و مال کا تحفظ ضلع جہلم پولیس کی اولین ترجیح ہے اور سنگین نوعیت کے مقدمات میں ملوث ملزمان کسی رعایت کے مستحق نہیں۔
ڈسٹرکٹ پولیس آفیسر جہلم طارق عزیز سندھو نے کہا کہ پولیس قانون کی حکمرانی کو یقینی بنانے اور جرائم کے انسداد کے لیے بھرپور کارروائی جاری رکھے گی تاکہ عوام میں اعتماد بحال رہے اور شہر و ضلع میں امن و امان قائم رہے۔
