جہلم پولیس نے دو الگ کارروائیاں کرتے ہوئے ناجائز اسلحہ رکھنے والے دو ملزمان کو گرفتار کر لیا۔
تفصیلات کے مطابق ڈی پی او جہلم طارق عزیز سندھو کی ہدایت پر جہلم پولیس کی ناجائز اسلحہ کے خلاف بڑی کارروائیاں جاری ہیں۔ تھانہ سول لائنز اور تھانہ ڈومیلی پولیس نے دو الگ کارروائیوں کے دوران ناجائز اسلحہ رکھنے والے ملزمان کو گرفتار کر لیا۔
تھانہ سول لائنز پولیس نے ایس ایچ او کی سربراہی میں کارروائی کرتے ہوئے ایک ملزم کو گرفتار کیا، جس کے قبضہ سے 30 بور پسٹل معہ ایمونیشن برآمد کر لیا گیا۔
اسی طرح تھانہ ڈومیلی پولیس نے کارروائی کرتے ہوئے ایک دیگر ملزم کو گرفتار کیا، جس کے قبضہ سے 12 بور رائفل معہ ایمونیشن برآمد ہوئی۔
پولیس کے مطابق دونوں ملزمان کے خلاف الگ الگ مقدمات درج کر لیے گئے ہیں۔
ڈی پی او جہلم طارق عزیز سندھو نے کہا کہ ناجائز اسلحہ رکھنے والے عناصر کے خلاف بھرپور کریک ڈاؤن جاری ہے، اور کسی کو بھی امن و امان خراب کرنے کی اجازت نہیں دی جائے گی۔
