سوہاوہ/ جہلم: اینٹی کرپشن پولیس نے سوہاوہ میں کارروائی کرتے ہوئے مبینہ طور پر رشوت وصول کرنے والے گرداور احمد شاہ کو گرفتار کر لیا۔
ذرائع کے مطابق اینٹی کرپشن ٹیم کو موصول ہونے والی شکایت پر کارروائی کرتے ہوئے ٹریپ ریڈ کیا گیا، جس کے دوران گرداور احمد شاہ کو مبینہ طور پر 10 ہزار روپے رشوت وصول کرتے ہوئے رنگے ہاتھوں گرفتار کیا گیا۔
ذرائع کا کہنا ہے کہ کارروائی کے دوران ملزم کے قبضے سے 10 ہزار روپے نقدی بھی برآمد کر لی گئی، جسے مبینہ رشوت کی رقم قرار دیا جا رہا ہے۔
اینٹی کرپشن حکام کے مطابق ملزم کے خلاف قانونی کارروائی کا آغاز کر دیا گیا ہے، جبکہ واقعے کے دیگر پہلوؤں اور الزامات کی مزید تفتیش جاری ہے۔
