اسلام آباد/ جہلم: قومی اسمبلی کمیٹی روم میں انفارمیشن ٹیکنالوجی کے حوالے سے اہم اجلاس منعقد ہوا، جس کی صدارت وزیر مملکت برائے ریلوے بلال اظہر کیانی نے کی۔ اجلاس میں قومی اسمبلی کے اعلیٰ افسران اور متعلقہ محکموں کے نمائندوں نے شرکت کی۔
اجلاس کا مقصد قومی اسمبلی کے آئی ٹی نظام کو مزید مؤثر، جدید اور شفاف بنانا تھا تاکہ قانون سازی، اجلاسوں اور دیگر پارلیمانی امور کو ڈیجیٹل نظام کے تحت بہتر انداز میں چلایا جا سکے۔
اس موقع پر وزیر مملکت بلال اظہر کیانی نے کہا کہ قومی اسمبلی کے آئی ٹی نظام کو بہتر بنانے کے لیے ہر ممکن کوشش کی جائے گی۔ اُن کا کہنا تھا کہ جدید ٹیکنالوجی کے ذریعے پارلیمانی عمل کو مزید مؤثر اور عوامی رسائی میں لایا جا سکتا ہے۔
وزیر مملکت نے متعلقہ افسران کو ہدایت کی کہ آئندہ اجلاس میں تفصیلی سفارشات اور منصوبہ بندی پیش کی جائے، تاکہ عملی اقدامات کا آغاز جلد کیا جا سکے۔
اجلاس میں شرکاء نے بھی اپنی تجاویز پیش کیں اور آئی ٹی انفراسٹرکچر کی بہتری کے لیے مختلف پہلوؤں پر تبادلہ خیال کیا گیا۔
