جہلم میں 60سالہ شخص کے اندھے قتل کا معمہ حل، تین اجرتی قاتل گرفتار کر لئے گئے۔
تفصیلات کے مطابق تھانہ کالا گجراں پولیس نے جہلم کے نواحی علاقہ میں پیش آنے والے 60 سالہ شخص کے اندھے قتل کا معمہ حل کرتے ہوئے تین اجرتی قاتلوں کو گرفتار کر لیا ہے۔
پولیس کے مطابق ڈیڑھ ماہ قبل جہلم میں شمس پور چوک کے قریب دینہ کے علاقے دھنیالہ کے رہائشی ڈاکٹر محمد یونس برگٹ کو اس وقت قتل کیا گیا جب وہ موٹر سائیکل پر جیل میں ملاقات کے لیے جا رہے تھے کہ گھات لگا کر بیٹھے ملزمان نے فائرنگ کر دی جس سے وہ موقع پر ہی جان کی بازی ہار گئے۔
@jhelumupdates جہلم میں 60 سالہ شخص کے اندھے قتل کا معمہ حل، 5 ملزمان گرفتار #JhelumUpdates #Latestnews #fyp #foryou #foryoupagе #viralvideo #breakingnews #viralvideos #Jhelum #PunjabPolice #JhelumPolice #tiktok #viral #trending #Jhelum ♬ original sound – Jhelum Updates
پولیس کا کہنا ہے کہ مقتول کو ذاتی دشمنی کی بنا پر قتل کروایا گیا اور اس منصوبے کے پیچھے مقتول کے قریبی رشتہ دار نکلے، جنہوں نے تین اجرتی قاتلوں کو چھ لاکھ روپے دے کر ڈاکٹر محمد یونس کو موت کے گھاٹ اتروایا۔
تھانہ کالا گجراں پولیس نے ہیومن ریسورس اور سیف سٹی کیمروں کی مدد سے تفتیش کو آگے بڑھایا اور بالآخر تین اجرتی قاتلوں خرم، شرجیل اور حماد کو گرفتار کر لیا۔ دورانِ تفتیش ملزمان نے اعترافِ جرم کرتے ہوئے تمام تفصیلات بتا دیں۔
پولیس کے مطابق اس سے قبل اس مقدمے میں نامزد دو ملزمان اکرم اور عرفان کو بھی گرفتار کر کے عدالت میں چالان کیا جا چکا ہے۔ اکرم اور عرفان نے ہی اجرتی قاتلوں کی خدمات حاصل کی تھیں۔
پولیس کے مطابق گرفتار ملزمان کے قبضے سے اسلحہ اور سپاری کے طور پر لی گئی رقم بھی برآمد کر لی گئی ہے، ملزمان سے مزید تفتیش جاری ہے۔
