پنڈدادنخان: تیز رفتاری نے عید کی خوشیاں چھین لیں، دو موٹرسائیکلوں میں خوفناک تصادم سے دو نوجوان جاں بحق جبکہ ایک نوجوان شدید زخمی ہو گیا۔
تفصیلات کے مطابق جہلم کی تحصیل پنڈدادنخان کے علاقے دھریالہ جالپ کے نواحی گاؤں چک حمید کے قریب دو موٹر سائیکلوں کے درمیان خوفناک تصادم کے نتیجے میں دو نوجوان جاں بحق جبکہ ایک شدید زخمی ہو گیا۔
@jhelumupdates جہلم میں تیز رفتاری نے عید کی خوشیاں چھین لیں #JhelumUpdates #LatestNews #breakingnews #jhelum #fyp #viralvideos #foryoupagе #tiktoknews #ForYou #newsupdate #latestupdates #pinddadankhan ♬ original sound – Jhelum Updates
حادثے کی اطلاع ملتے ہی ریسکیو 1122 کی ٹیمیں فوری طور پر موقع پر پہنچ گئیں۔ ریسکیو اہلکاروں نے پیشہ ورانہ مہارت کا مظاہرہ کرتے ہوئے زخمیوں کو ابتدائی طبی امداد فراہم کی اور انہیں فوری طور پر قریبی و متعلقہ ہسپتالوں میں منتقل کیا۔
حادثے کے نتیجے میں 26 سالہ محمد عمیر ولد غلام بشیر موقع پر جاں بحق ہو گئے، جن کی میت کو ٹی ایچ کیو ہسپتال پنڈدادنخان منتقل کر دیا گیا۔
زخمیوں میں 22 سالہ احمد رضا ولد عبدالمجید شامل تھے جن کی حالت تشویشناک ہونے کے باعث انہیں ڈی ایچ کیو ہسپتال راولپنڈی منتقل کیا گیا، تاہم وہ بھی جانبر نہ ہو سکے اور دم توڑ گئے، جس کے بعد جاں بحق افراد کی تعداد دو ہو گئی جبکہ 18 سالہ محمد فیضان ولد محمد احسان قریبی ہسپتال میں زیر علاج ہے۔
