ضلع جہلم میں سیاسی ہلچل شروع، ن لیگی امیدواروں نے لنگوٹ کس لیے

دینہ: حلقہ این اے 60اور پی پی 24میں سیاسی ہلچل کا آغاز ہو گیا، امیدواروں نے کارنر میٹنگ اور لوگوں سے رابطوں کا آغاز کر دیا جبکہ مسلم لیگ (ن ) این اے 60او رپی پی 24 کے امیدواروں کے ٹکٹ کے لیے انٹر ویو 9 دسمبر کو لاہور میں ہوں گے، امیدواروں نے ٹکٹ حاصل کرنے کے لیے ایڑھی چوٹی کا زور لگانا شروع کر دیا۔

تفصیلات کے مطابق الیکشن کا اعلان ہوتے ہی تحصیل دینہ سمیت ضلع بھر میں سیاسی ہلچل کا آغاز ہو گیا، امیدواروں نے لنگوٹ کس لیے عوام سے رابطوں کا آغاز کر دیا۔ جگہ جگہ پر کارنر میٹنگ اورفاتحہ خوانی ، شادیوں کی تقریبات سمیت لوگوں سے رابطہ شروع کر دیا۔

مسلم لیگ (ن) این اے 60اور پی پی 24کے امیدواروں کے ٹکٹ کے لیے 9 دسمبر کو لاہور میں انٹرویو کے لیے طلب کر لیا۔ مسلم لیگ (ن) کے امیدواروں میں حلقہ این اے 60میں بلال اظہر کیانی ، چوہدری ندیم خادم ، چوہدری فرخ الطاف ، مہر محمد فیاض شامل ہیں جبکہ پی پی 24کے لیے مہر محمد فیاض ، راجہ اویس خالد ، راجہ غلام کیانی شامل ہیں۔

دیکھنا یہ ہے کہ پارٹی کس امیدوار کو ٹکٹ دیتی ہے، ادھر امیدواروں نے اپنے اپنے حلقوں میں عوام کی ہمدردی حاصل کرنے کے لیے رابطہ مہم کا آغاز کر دیا ہے۔ جگہ جگہ پر کارنر میٹنگ اور فاتحہ خوانی ، شادیوں کی تقریبات میں شرکت کو یقینی بنا لیا تاکہ ووٹرز کی ہمدردی کو آسانی سے حاصل کر سکیں اب دیکھنا یہ ہے کہ مسلم لیگ (ن) این اے 60اور پی پی 24کا ٹکٹ کس کے ہاتھ دیتی ہے۔

امیدواروں نے بھی ٹکٹ کے لیے پارٹی کے ہائی کمانڈ سے بھی خفیہ رابطے جاری ہیں جبکہ تحریک انصاف اور پیپلز پارٹی اس وقت خاموش نظر آ رہی ہے جس کا فیصلہ وقت آنے پر کرے گی۔

یہ بھی پڑھنا مت بھولیں

ایک تبصرہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button