اپنے اسمارٹ فون ، لیپ ٹاپ اور ٹیبلٹ کو کیسے صاف کریں؟

فی زمانہ وائرلیس ایئربڈز سے لے کراسمارٹ فون تک ہر شخص ٹیکنالوجی کے ساتھ زندگی گزار رہا ہے۔

اس حقیقت سےفرارکا کوئی راستہ نہیں ہے کہ وقت گزرنے کے ساتھ یہ آلات خراب ہوسکتے ہیں۔ یہاں اچھی خبر ہے یہ ہے کہ آپ کو ٓانہیں صاف کرنے کے لئے کسی پیشہ ورکو ادائیگی کرنے کی ضرورت نہیں ہے۔

اپنے آلات کو صاف کرنا واقعی بہت آسان ہوسکتا ہے ، خاص طور پر اگر آپ انہیں گندا ہونے سے روکنے کے لئے باقاعدگی سے صاف کریں۔

انہیں صاف کپڑے سے پونچھ لیں

ایک اچھا مائیکرو فائبر کپڑاآپ کے ڈسپلے اور اسکرینوں کو بغیر کسی خراش کےصاف کرسکتا ہے۔

اس کے علاوہ مارکیٹ میں بہت سارے برانڈڈ وائپس اور اسپرے موجود ہیں جن کے محلول میں عام طور پر آئسوپروپائل الکوحل ہوتا ہے ، جو آپ کے آلات کی صفائی کے لئے بہت اچھا ہے۔

پھر بھی ہمیشہ لیبل کو احتیاط سے پڑھیں تاکہ اس بات کو یقینی بنایا جاسکے کہ آپ جس وائپ یا اسپرے کو خرید رہے ہیں وہ واقعی اس چیز کے لیے بنایا گیا ہے جس کی آپ صفائی کر رہے ہیں۔

پرانے زمانے کا طریقہ

اگرچہ فینسی وائپس کاآئیڈیا تھوڑا نیا ہے ، لیکن پھر بھی صفائی کی ٹیکنالوجی کے لئے کچھ قابل اعتماد ایسےچھوٹے اوزار موجود ہیں جن کو نظر انداز نہیں کیا جانا چاہئے، جیسے کاٹن بڈز اور ٹوتھ پک۔

ایک کاٹن بڈ دھول ہٹانےکے لئے بہترین ہوسکتا ہے ، اور اسے تھوڑا زیادہ موثر بنانے کے لئے آئسوپروپیل الکوحل میں بھی بھگو یا جاسکتا ہے ، جبکہ پرانے زمانے کا ٹوتھ پک گندگی کو دور کرنے کے لئے حیرت انگیز کام کرتا ہے۔

وارنٹی چیک کریں

اس طرح کےآلات کی صفائی سے پہلےان کی وارنٹی کو ضرورچیک کریں۔

پلے اسٹیشن جیسے بڑے آلات استعمال کے ایک سال کے اندر اچھی صفائی کی وارنٹی فراہم کرتے ہیں۔

اگر ہٹائے جانے والے کور موجود ہیں توانہیں ہٹا دیں اوراوپر دیے گئے طریقوں کا استعمال کریں تاکہ دھول اور گندگی کو ہٹایا جاسکے جو آپ کو اندر ملتی ہے۔